Nash Ngcobo
INTAKA ibekelwe amazolo emaqenjini ka-U/15 azokhiphana inkani eNgilanyoni Sports Ground ngoMgqibelo.
Kulo mqhudelwano wokuqala ngqa endaweni kulindeleke izikhulu zeSouth African Football Association ngokwezigaba zazo.
Ezimnandi kubadlali abasemaqenjini azoqhudelana ngezithi kuzobe kukhona abaqeqeshi abaqhamuka emaqenjini amakhulu
Ezinye ngezokuthi kuzoqokwa iqembu eliqinile elakhiwe ngabadlali abebekulomqhudelwano elizobizwa nge-All In One FC.
Kulindeleke ukuthi le liqembu kube yilona elizophakamisa ifulegi laseNgilanyoni kunobhutshuzwayo waseMkhambathini.
Amaqembu aqhathwe kanje: Magic vs Maqoyana (9h30); Brotherhood vs Ngilanyoni (10h30); Troublemakers vs Vunbuka (11h05); Qamela vs Ithemba (11h50).
Kunxuswa bonke abazali kanjalo namalungu omphakathi ukuzozibonela ubumnandi bale ngqophamlando womdlalo.
Isixoliso.
Sizwakalisa ukuxolisa ngokuthi icece laKwaNene elizoya KwaDlamini lingoZibandlela 21 hhayi 6 (December) njengoba kubhaleke oshicilelweni olwedlule. Siyagcizelela lungoZibandlela 21.