Nash Ngcobo.
KUBAFUNDI abayi-59192 baseZion Christian Mission Centre emhlabeni jikelele, uMzansi ubumelwe ngama-875 emcimbini wokwethweswa kweziqu muva nje.
Lo mcimbi ongomkhulukazi e-Afrika ezifundweni zeBhayibheli, sekungokwesine uqopha umlando iminyaka ilandelana.
KwabaseMzansi kubalwa abefundisi abangama-214 abahlanganyele nabafundi abayi-1081 abaqhamuka e-Afrika yonkana.
EMzansi bekugqame umcimbi obuseCape Town obuwenzelwe uPastor Nceba Mkatshane obuhlelwe yiZion Christian Mission Centre, ewuphiko lweShincheonji Church of Jesus oselukhule ngendlela emmangalisayo.
Ukukhula kwalo kufakazelwa wukuthi eminyakeni emine selikhiqize abefundisi abangaphezulu kwezi-13 500 emhlabeni jikelele. Kwenzeka lokhu nje kune-3rd World Invitation Revelation Special Lecture ebiseSouth Korea.
Usihlalo uLee Man-Lee weShincheonji Church of Jesus uthe ibandla labo seliyiqonda kahle incwadi yeSambulo efundeka kanje: “Uma ufuna ukwazi likaNkulunkulu, woza uzofunda ngalo bese likuholela empilweni yangunaphakade”.
