Nash Ngcobo
IKOMITI eliphezulu leSouth African Local Government Association (SALGA) lihlanganise amakhanda ngenhloso yokuthola isixazululo ezinkingeni ezikhungethe omasipala bakuleli.
Lokhu kuhlaluke emhlanganweni wamalungu eSalga obuseCity Hall eThekwini okuphakanyiswe kuwo ukusebenzela umphakathi ngobuqotho.
Kuphakanyiswe amaqhinga okuvimba nokuqeda ubugebengu nokusebenzisana kwaMakhosi nomasipala ezakhiweni zomphakathi. Ukuvikelwa kwezimali zomkhandlu emaseleni okuvame ukuba yizisebenzi zawo, kube seqhulwini kulengxoxo.
Kuphakanyiswe uhlelo okuphusile lokuqoqwa kwezikweletu nokuqashwa kwabantu abafanelekile ezikhundleni nokuqinisekisa umkhiqizo osezingeni kwezokuphatha. “Lezi zixazululo ziqhamuka emibonwemi nobuhlakani ukwenza ngokubona nokuqhamuka namaqhinga amasha okusebenza komasipala.
“Ukusebenza ngokubambisana kungabeka phambili iSalga ekuholweni kukahulumeni wesifundazwe nakuzwelonke,” kusho uKhansela Zandile Myeni iPhini likaMeya weTheku.
UMeya Myeni ukugcizelele ukubaluleka kobuholi obunamava nobumela ubulungiswa kukho konke obukwenzayo egameni lomphakathi.
Konke lokhu uthi kungaphumelela kuphela uma kuzokhulunywa ngakho futhi kwenziwe ngokubambisana nokulekelelana kobuholi babo bonke omasipala. Siyatholakala ku_www.isibukosezwe.com/ email: johnngcobo1192@gmail.com nakuWhatsApp: 083 3010869