Nash Ngcobo
UKUHLABANA okwama-20 kwe-Inkosi Albert Luthuli International Convention Centre ( ICC) kwiWorld Travel Awards Africa, kuyihlome uphaphe lwegwalagwala, yafisa ukubalwa kweminingi ezayo.
Lo mcimbi waminyaka yonke osekungowama-32, wasungulwa iTheku selinqobe izindondo ezingama-20 iminyaka ilandelana.
Lokhu kuhlabana kweTheku ngalo luhlobo, kuliqinise idolo emkhankasweni walo wokusingatha iMetro FM Music Awards kulo nyaka. Imiklomelo yakwaMetro sekuphele cishe iminyaka ecela kweyi-10 ingalethwa eThekwini.
Kulo nyaka ophelile wezimali kuMasipala weTheku, belusematheni udaba lokufakwa kwesicelo salo mcimbi kubadidiyeli bawo.
Izindaba zokuhlabana kweTheku nge-Africa’s Leading Meetings and Conference Centre, kufake olukhulu ugqozi kubaphathi beTheku lokusingathwa kweminye imicimbi esezingeni lo mhlaba.
Usihlalo weKomiti lezokuThuthukiswa kwezoMnotho nokuHlelelwa kwaBantu eThekwini uKhansela Thembo Ntuli uthi bayaziqhenya kakhulu ngalo mklomelo. “Lokhu kuyizimpawu zokuhlinzeka kweTheku izinto ngokusezingeni lomhlaba, sisazoqhubeka nokwenza okungcono sikhathi sonke,” kusho uKhansela Ntuli.
