Nash Ngcobo
INYANGA yeNtsha izovulwa ngekhonsathi likaMthobisi Mthalane eliseKhabza De Khabza Art Centre eNtshongweni ngeSonto ngo-2h30 ntambama.
Lo mdlali wopiyano nekeyboard, kulindeleke ulozolo lodwa ekucikozeni kwakhe.
Lokhu nje kukodwa kuzoheha inqwaba yabathandi bejazz kanjalo nalabo abazobe beqala ukuza kule ndawo.
UMthalane ubuye abengomunye wabaqeqeshi ekudlalweni kopiyano kuyo lendawo ejwayele ukufundisa umculo njalo ngezimpelasonto.
Kule likhonsathi kungenwa ngoR100 kanti abafundi kuzoba wuR50.
I -Cooler box nayo ikhokhelwa uR50.
Ukudla neziphuzo kuyatholakala kodwa kuyakhokhelwa.
Ukwazi kabanzi ngeminye imininingwane kungashayelwa uVusi Mkhize ku-0725077344.