Izithombe: Njabulo Mthethwa
Nash Ngcobo
UMQHUDELWANO waminyaka yonke i-U/15 Siyakhula Cup ogqugquzelwa AmaZulu Community Trust, usuxhaswe yiHollywood Foundation.
ISiyakhula Cup osekungunyaka wesihlanu ikhona, izodlalelwa ngabafana namantombazane ngoLwezi 1 no-2 (November) eKings Park Outer Grounds eThekwini.
Iqembu elizodla umhlanganiso lizoklonyeliswa ngo R10 000 kanti wonke amaqembu azogqokiswa yiHollywood Foundation.
UMenzi Ngcobo obemele uHollywood uthe unobhutshuzwayo uyisinongo sokwamukelana komphakathi, yingakho bewusekela kusukela emazingeni aphansi kuya kwelikhokhelayo.
“Kubalulekile ukweseka iqembu elinezinhlaka zentuthuko. ISiyakhula ibhekele ukuthuthukisa imidlalo yezikole, iningi lazo elinezingane eziqhamuka emiphakathini ehlwempu, yingakho siqinisa ukubuyiswa kwemidlalo ezikoleni,” kusho uNgcobo.
UMazwi Mkhize onguMengameli weSafa eThekwini ubonge wanconcoza ngokuthi AmaZulu FC yilona qembu elisazihlupha ngokuba nezinhlaka zokuthuthukiswa kukanobhutshuzwayo emazingeni aphansi.
Usonge ngokuthi uma iFC Barcelona yaseSpain inezinhlaka zokuthuthukiswa kukanobhutshuzwayo, akukho okungavimba AmaZulu FC ukwenza okufanayo.
Amaqembu azokhiphana inkani ezigabeni ezine kubafana nezintathu zamantombazane.
Amantombazane Group A kuboshelwe iLindelani Ladies, Action International neSunflower FC. KuGroup B: iDurban Ladies, Adams Academy nePioneers. Ku_Group C:
TB Stars, Adams City no_Umlazi Young Lions.
Ebafaneni_ Group A: AmaZulu FC, Zamalek FC neFuture Stars.
KuGroup B: KZN Academy, New Tigers neMoriah Classic.
KuGroup C kuneJ Stars, Inkanyezi neShining Stars.
KuGroup D: Action International, Golden Touch neLower Coast Academy