ese-Escombe eThekwini ngoNhlangulana 13 (June)
Nash Ngcobo
ISTHANDOKUHLE Holdings ngokubambisana ne-J 228 Teens Ministry bamema intsha kwi-Career Day ezokuba Escombe eThekwini ngoNhlangulana 13 (June).
Lo lusuku olugqugquzelwe yiChrist Centred Misssion Church, isiqubulo salo sithi: “Beyond Ordinary” lapho intsha izocotshelelwa ngezifundo engaziphilisa ngazo.
Lo mcimbi use-97 Valley View Road Escombe, eThekwini okuzokhuluma kuzo asebemnkantshubomvu emikhakheni eyahlukene. Kuzoqalwa ngo-8h00 -17h00.
Inhloso enkulu yalo lusuku wukuhlomisa intsha ngezikhali zokubhekana nalo lonke uhlobo lwempilo, ngokuqoka imisebenzi ebalulekile nephilisa isizwe muva nje.
Ubuholi beBandla bunethemba elikhulu lokuthi uNkulunkulu uzokhombisa abantwana indlela engale kwalokhu abazitshela ukuthi bayakwazi.
Abazohambela lo lusuku olubaluleke kangaka, mabaxhumane noStha Mncwabe ku-0718856424.
Usuku lokugcina ukwamukela abazocotshelelwa ngolwazi uNhlaba 30 (May).
Izikhulumi zosuku ngo-Akani Molewa, uSamkelo Mgabhi, uMinenhle Mshengu noNomthandazo Mbokazi.