nesicoco seChampion of Champions yeSASCE iminyaka emibili ilandelana.
Nash Ngcobo
EMPANGENI High idle umhlanganiso inqoba isicoco sika-2026 ABC Motsepe South African Schools Choral Eisteddfod (SASCE), yakhala yemuka nesheke le-R100 000 emncintiswaneni obuseMoreleta ePitoli.
Lesi sikole besiyingxenye yezikole ebezibhuquzisana kowamanqamu womqhudelwano we-10 kanti sivikele isicoco ngokuba ngoshampeni boshampeni, lo mklomelo uzobhekela izidingo zesikole.
Kowamanqamu lesi sikole besibanga neBambanani High yasoPhongolo neBizana Senior Secondary eqhamuka e-Eastern Cape.
Kulezi zidingo kubalwa ukwakhiwa kwengqalasizinda yesakhiwo se-science laboratory, i-library, ihholo elizohlinzekela umdlalo we-basketball nenetball, ukwengezwa kwamagumbi okufundela, i-swimming pool nenkundla yezemidlalo esezingeni elithe thuthu.
Umsunguli weMotsepe Foundation uDkt Precious Moloi –Motsepe uthe kule minyaka eyi-10 bexhase lomqhudelwano ngokubambisana neSanlam uthe bayakujabulela ukukhula amathalente asesiteji emakwayeni ahlukene.
“Lokhu kusinika elikhulu iqholo lokuthi ikusasa lalaba baculi abalikhombisa esiteji, lizokhula libenze abantu abavelele kulo mkhakha wokuqhakambisa amakhono abo esiteji,” kusho uDkt Moloi-Motsepe.
UMnuz Bongani Madikiza oyisiKhulu esiPhakeme kwaSanlam Retail Mass uthe usebone lukhulu ukuthi kuthatha isikhathi esingakanani ukwakha amaqembu alo luhlobo ukuthi aqhudelane kule lizinga.
“Njenge-Eisteddhof siphothula i-2026 Kay Motsepe Schools Championship, sesizoqhubeka ne-netball ngo-August bese sivala ngonobhutshuzwayo ngo-October,” kuqhuba uMadikiza.
IMotsepe Foundation noMnyango wezeMfundo usebenzise le lithuba ukubona nokugqamisa amathalente ezinganeni ukuqinisa umphakathi wezikole ngokuveza amakhono angunaphakade.
Leave a Reply