Nash Ngcobo
UBUHOLI beKZN Traditional/Rural Horse Racing bubambisene noMnyango wezeMidlalo, ubuCiko namaSiko buhloniphe omunye wabasunguli beDundee July. Lowo nguMike Mthembu ongomunye wezikhulu zomnyango wezemidlalo obebhekelele ezomtelebhelo.
UMvelase obekhona usungulwa lo mjaho eminyakeni engama_20, wendele koyisemkhulu nyakenye. UMnyango wezeMidlalo ngaphansi kobuholi bukaNgqongqoshe uMntomuhle Khawula, usuqambe eminye yemijaho yeDundee July ngoMike Mthembu. Nakuba kungakaqinisekiswa ukuthi ngumjaho wesingaki oqanjwe ngoMvelase, okhulumela uKhawula, uNtando Mnyandu ukuqinisekisile lokhu wathi usuku lonke bekungelkuhlonipha lesi sikhulu.
Zningi izinguquko ezilindeleke kulo mjaho okhula unyaka nonyaka njengoba sekugibela nojokhi abasahamba isikole.
Okuhle ngalabojokhi sekukhona nabamantombazane, asengene inhloko nesiphanga emidlalweni enhlobonhlobo muva nje.
