noSiphiwe Mbhele kanti uBig Zulu ubebagabisela ngebhande abazolibanga
Nash Ngcobo
ISICOCO sikaPhikelelani Khumalo ongumpetha kazwelonke wemiddleweight, sizulelwa ngamanqe njengoba kulindeleke asivikele kuSiphiwe Mbhele.
Lempi ingezinye zezihlelwe yiGodafrid/Mvelo Promotions ezizokuba seThe Station Urban Space eThekwini ngoNcwaba 30 (August).
Impi eyeseka lena yesicoco sikazwelonke ngekaShamiso Ntuli azohlephulana kuyona noThembani Mhlanga kwi-super middleweight okungeyemizuliswano eyisishiyagalombili.
Enye yemizuliswano efanayo iphakathi kukaNtethelelo Magcaba noNtokozo Mthonti yejunior bantamweight. Eyesibili yesuper middleweight okududulana kuyo u-Andile Mntungwa no-Ayanda Mthembu.
USiphesihle Mntungwa uqhathwe noTristan Naidoo kwi-lightweight, uGcina Makhoba uzobhekana noNkosinathi Sibiya kwi-junior bantamweight, uMenelisi Ndlovu uzolwa no-Anele Kunene kwi-flyweight. Zozine lezi zimpi ngezemizuliswano eyisithupha.
Eyokugcina ngeyemiddleweight ephakathi kuka-Akili Sikhosana no-Ayanda Gumede okungeyemizuliswano emine. Lezi zimpi ziqala ngo-14h00 ntambama kanti kungenwa ngo-R100.