Nash Ngcobo
UBUKHULU, ukubusiseka nokubabazeka kwengqophamlando yomgubho weminyaka eyi-100 ye-Inchanga Primary, abusofaniswa nalutho kosingaye nabagqugquzeli balo.
Lokhu kubonakale ngokudela konke kubahambeli kusukela ekuseni kuze kuyohwalala, umoya wenjabulo ulokhu uhwelezile.
Lo lusuku lomhlaka 4 Mandulo (September) lube ngolubaluleke ukuzedlula zonke kubafundi, othisha, abazali, abefundisi nezihambeli zalo mcimbi.
Lokhu kufakazelwe yinkonzo oluvulwe ngayo ebiseSt Theresah Parish lwaze lwasongwa KwaNondlini Community Hall.
Le nkonzo ibiphethwe ngabaBhishobhi uMandla Siegfried Jwara(CMM) noNxumalo (OMI), abakusho konke ukubonga abasunguli bemishini nesikole uqobo.
Intshumayelo, umculo wezingane zilekelelwa ngamalungu eBandla EliKhatholika iSt Theresah ephethwe nguFata Mduduzi Mchunu (OMI) kube wuvuthondaba lwalo lusuku.
Indlela okwasunguleka ngayo lesi sikole kube nemiyalezo ephusile yokugcinwa kwaso, kwafiselwa abalandelayo ukugubha eminye iminyaka eyi-100.
Ubuholi besikole, nalabo ababa yingxenye yaso abafunda babuye bafundisa kuso, bufaniswe nesibusiso esikhulu ekuphileni konkana.
Kumina ebengiyisimenywa lo lusuku, obelumakhaza, ashubisa umnkantsha lufane nse noMbasa 27 (April) ngowe_1994 nokwagcotshwa ngalo uDkt Nelson Mandela njengoMengameli kaHulumeni weNtando yeNingi eNingizimu Afrika ePitoli.
Maningi amakhono ezobuciko akhonjiswe yizingane zakulesi sikole, okunxuswe abazali ngokulekelela kuwona, zingacinelelwa ngemfundo kuphela.
Yize singeke sikubike konke obekwenzeka nezinkulumo ezikhulunyiwe, obekuphambili wukwakhiwa kabusha kwalesi sikole, sifaniswe nebezifunda abamhlophe bodwa phambilini nalezo ezazizimele.
Ungashiywa wuku-subscriber mahhala ku-www.isibukoszwe.com ngokuchofa usubscribe ekugcineni kwalo ludaba.
Uma konke kuhambe ngokwezifiso zabagqugquzeli balo mcimbi, kuzoshicilelwa ushicilelo oluyisipesheli lomlando wesikole nolwale ngqophamlando
yomcimbi.
Lo lushicilelo luzodayiswa esikoleni nasesontweni nasemphakathini wonkana.
Kulindeleke luphume zingavalwa izikole ngoZibandlela.
Isamba sika- 3% wemali ezotholakala ekudayisweni kwalo loshicilelo uzofakwa esikhwameni sesikole ukuze sisizakele ezidingweni zaso ezinhlobonhlobo.
Uma ufuna izindaba zale liphephandaba siza uchofe u-subscribe mahhala.
Siyatholakala kwi_ email: johnngcobo1192@gmail.com/0833010869 phone/ whats app
