Nash Ngcobo
ZONKE izindlela zabagijimi zibheke kwiProf Otty Nxumalo Marathon eseFilidi ngoMfumfu 3 (October) ezoqala ngo-6h00 ekuseni.
Lo mjaho osekungowesibili ohlelwe yiNkamana Athletic Club uhlukaniswe izigaba ezintathu futhi izotitilizwa imiklomelo.
Lezi zigaba ngesebanga lika-5, 10, 21,1 nelika-42.2km. Le mijaho izoqala iphelele kwi-AbaQulusi Plaza Mall.
Umgijimi ozodla umhlanganiso ku-42.2km uzoklonyeliswa ngezi-R17000, isibili kube yi-R15000.
Ebangeni lika-21.1 km uzogoduka ne-R10 000, isibili sigoduke ne-R5000.
Owe-10km uzothola ezi-R5000 kuthi isibili sithotshwe nge-R2500.
Kubagijimi abaqhamuka emaqenjini angaphanbsi kukaMasipala wesiFunda iZululand bazogixabezwa ngeminye imiklomelo.
Le miklomelo imi kanje: Ohlabene ku-42.2km uzokwengezelwa ngoR6000.
Owebanga lika-21.1 athole uR3000 kuvale oka- 10km ngezi-R2500.
Abebanga lika-5km, onqobile uzothola uR1000, isibili uR500 kuvale isithathu ngoR300.
IMeya kaMasipala abaQulusi uKhansela SE Mkhwanazi nowaseZululand uKhansela Michael Khumalo bazoklomelisa abagijimi.
Ngeminye imininingwane kungashayelwa uThami Sukazi ku-0834475927 noMinenhle Mpungose ku-0737639998.
Abafuna email: enquiries@athleticsclub.co.za
Leave a Reply