Ilokhu ikhule njalo i-Youth Run 10km

Nash Ngcobo

ISIFUNDA uMzinyathi esisenyakatho yeKwaZulu-Natal sikhombise ukukhula ezingeni labagijimi abasebancane abamnyama, okulindeleke badlane imilala nosaziwayo emijahweni kazwelonke nesezingeni lomhlaba kule minyaka embalwa ezayo.

Lokhu kubonakale kugqama abagijimi abahlanu bokuqala kwabesilisa abaqhamuka kulesi sifundazwe oselokhu kwathi nhlo sikhiqiza abagijimi abaseqophelweni eliphezulu.

Esinye isifunda esikhombisa ukuthwalisa kanzima ezinye ohlangothini lwamantombazane iHarry Gwala.

Amajuba yisifunda ebesijwayele ukuzithwalisa kanzima ezinye emdlalweni wejubane eminyakeni eminingi eyedlule, kodwa muva nje sibukeka sidonsa kanzima sesingasenalo udosi lwaphambilini.

Ngonyaka ozayo iYouth Run ka-10km eyandulela iComrades Marathon izogijinywa okwa-20 kanti inhloso yayo wukuvundulula abagijimi bakusasa balo mjahokazi osuhlonishwa umhlaba wonkana.

Imiphumela yeYouth Run engenelwa ikakhulukazi yizingane zezikole eziqhamuka KwaZulu-Natal futhi egijinyelwa eThekwini ihambe kanje.

Abafana

1. Ntando Ximba 31:03 (Umzinyathi) 2. Ayanda Thabethe 31:08 (Umzinyathi); 3. Mpho Molefe 31:21
   (Umzinyathi); 4. Ngcebo Mgaga 31:49 (Umzinyathi); 5. Bayanda Nene 32:08 (Umzinyathi).

Amantombazane

1. Asenathi Jali 37:26 (Ugu); 2. Inganathi Ngubo 3:16 (Harry Gwala); 3. Andile Mtungwa 9:37 (Harry Gwala); 4. Nonhlakanipho Dlamini 39:48 (Umgungundlovu); 5. Thembekile Mjwara 40:08 (Harry
   Gwala).