Nash Ngcobo
UNGQONGQOSHE wezeMidlalo, ubuCiko namaSiko
uMnuz Mntomuhle Khawula, uzobuka ifinal yeMTN 8 nezikole ezimbili eMoses Mabhida Stadium ngoMgqibelo.
Lezi zikole ezinyelwe yinyoni esandleni ngokumenywa nguKhawula, ziqhamuka kwisiFunda iPinetown okuyiNilgiri neVuyiswa Mtolo High.
Lesi simemo esiqalayo ngqa emlandweni webhola lezikole yindlela uKhawula agqugquzela ngayo ukubuyiswa kwemidlalo yezikole.
Inhlanhla enkulu ngeyeVuyiswa Mtolo ebengompetha beStandard Bank Schools Cup U/19 yaklonyeliswa ngo-R10 000 ngokwehlula iNilgiri ngo-1-0 kwifinal ebiseSJ Smith Stadium.
UNgqongqoshe Khawula uzishaya isifuba ngokwenza kahle kwabadlali namaqembu aKwaZulu-Natali kwiBetway Premiership yingakho ememe lezi zikole kulomdlalo omkhulukazi.
Kulo mdlalo kuzodudulana ompetha beMTN 8 i-Orlando Pirates neMamelodi Sundowns, okungamaqembu ahlonishwayo e-Afrika.
Sekungunyaka wesibili lomqhudelwano iStandard Bank U/19 udlalwa ezikoleni ezingaphansi kweSafa eThekwini.
Lo mqhudelwano okuhloswe ngawo ukubuyiswa kwezemidlalo ezikoleni, udinga ukwesekwa nxazonke njengoba kwenzeka kweminye yale lizinga.
Yize kukhulunywa zonke izinsuku ngokubuyiswa kwemidlalo yezikole, ukusatshalaliswa kwemibiko ngayo akulingani nezinkulumo ngayo.
Le liphephandaba Isibukosezwe Online nozakwabo iSportArts sebezinikele ekubhaleni ngayo yonke inhlobo yezemidlalo yezikole.
Ekugcineni kodaba Cindezela u-subscribe mahhala, ubeke uvo lwakho.
Silandele:www.isibukosezwe.com
Email:johnngcobo1192@gmail.com
WhatsApp/phone 0833010869/0633450279
Leave a Reply