Nash Ngcobo
ABALANDELI bezikaqedisizungu bazobhekisa amabombo emcimbini kaSanele “Saneristo” Mbhele azogubha kuwo usuku lokuzalwa eLanga Res Lifestyle esePineville eNagina eMariannhill ngoNdasa
28 (March).
Lo DJ womculo we-House ojwayele ukunandisa kule ndawo, ubone kungcono ukuthi azogubha usuku lwakhe lokuzalwa endaweni ahlale ejabulisa kuyo abalandeli nabathandi bomclo wakhe.
USaneristo uzoshiyelana inkundla nabaculi nabanjengoFeza Langa, uZeal MaDladla uDJ woKhozi FM, uPepino nabanye abaculi nabadansi abazonandisa ngezindlela ezahlukene.
USaneristo uzalelwe wakhulela eMariannhill endaweni ebizwa ngeBirchwood Park ngo-1990.
Uqale ukupinisa amapuleti (deejaying) ngowe-2004, esangumfundi waseNdengetho High School KwaNdengezi.
Useke wasebenzisana noDJ uBongz, uMalumz On Decks, uRussell Zuma, nabanye. Umcimbi kaSaneristo uzoqala emini ngo-12h00 kuze kulamule ukuqala kosuku olulandelayo .
Imenenja kaSaneristo uPhumelele Gumede uthe abalandeli bezikaqedisizungu bazozitika ngayo yonke inhlobo yokudla neziphuzo ezinhlobonhlobo eRes Lifestyle.
Abafuna ukuqasha lo-DJ bangaxhumana naye kule nombolo 0676332884 – Khula ArtCult.
