Nash Ngcobo
UKWANDA kwabagqugquzeli bemidlalo yezikole, sekuvuse neNational Teachers Union (Natu) maqede yazibamba.
Le nyunyana yothisha kudala yazibandakanya nemidlalo nezikaqedisizungu, kodwa iminyakazo yayo ibingasagqamile njengaphambilini njengoba isishintsha ukwenza muva nje.
Lokhu iNatu izokukhombisa ngemidlalo yezikole okuzoqhudelana kuyo amagatsha ayo amathathu asentshonalanga yeTheku KwaSishi Sports Ground e-Unit 1 elokishini laseMpumalanga kusasa ngohoLwesihlanu ngo-9h00 ekuseni.
Amagatsha azokhiphana inkani kunobhutshuzwayo, inetball, fun walk, aerobics, ichess, i-tug of war nevolleyball kuzoba yiMpumalanga, iBotha’s Hill kuvale iTable Mountain South.
UGugu Ndawo ongomunye wabagqugquzeli ngokubambisana no-Celani Gasa bathi abazophumelela lapha bazodlulela kwi-Pmb Regional Games Sports Day azodlalelwa eMpendle Sports Complex (Village) ngoMay 15.
Le midlalo izodlalwa ngaphansi kwesiqubulo esithi: “Unity -Health -Excellency.
Abafisa ukwazi kabanzi ngalemidlalo bangaxhumana noGugu 0792155498, Celani Gasa 0825780916 no-Agnes Mhlongo 0826998161. -Khula Sports