UMasipala weTheku usuxoshe abasebenzi abayi-7

Posted by:

|

On:

|

UKUQINISEKISA kokungabekezelelwa kwenkohlakalo nokusetshenziswa budedengu kwezinsiza zomphakathi sekuphoqe uMasipala weTheku ukukhomba indlela abasebenzi abayi -7 abatholwe benecala lokungaziphathi.

Kulaba basebenzi kubalwa izikhulu ezine ezixoshwe ngoNcwaba (August) ezimbili zazo zisebenzise izincwadi zomgunyathi ukudonsa udizili eziteshini zikamasipala isikhathi esingaphezulu konyaka.

Oyimenenja yaloMasipala uMnuz Musa Mbhele lokhu kuxoshwa kwalaba basebenzi kuveza isibophezelo somkhandlu sokuphatha ngendlela engenankohlakalo nokuvikelwa kwezinsiza zomphakathi, okufanele zisetshenziselwe ukufeza izidingo zengqalasizinda kuphela.

“Iziphathimandla zizoqinisa isandla ezisebenzini ezinobudedengu empahleni yomkhandlu, akukhathalekile ukuthi yisikhulu esiphezulu kangakanani. Sizoqhubeka nokuzibophezela ekwakheni izikhungo ezinabantu abanesimilo esihle nekhono izakhamuzi ezingathembela kuzona,” kubeka uMbhele.

UMqondisi we City Integrity and Investigations, uMnuz Jimmy Ngcobo uthe ukuqondiswa kwezigwegwe sekuqaliwe kwezinye izikhulu kanti kwabaphenywayo kubalwa nokuntshontshwa kwetiyela (asphalt), izingxenye zezimoto nezinto zokubhala (stationery).

Ephawula uNgcobo uthe: “Ishumi neshumi elilahlekile kulobu bugebengu belizosetshenziswa ekuhambiseni izinsiza kwizakhamuzi. Isigwebo sizolingana necala futhi ukuqondiswa kwezigwegwe kuzoqiniswa ngendlela efanele engenazinguquko.”

UMasipala weTheku ube sewubonga izakhamuzi ezibike ngezenzo ezingahambi kahle wacela izinhlangano zabasebenzi, amabhizinisi kanye nomphakathi ngokuhlanganyela nabo ekuqiniseni ukuziphatha ngendlela emphakathini wonkana.

Posted by

in

3 responses to “UMasipala weTheku usuxoshe abasebenzi abayi-7”

  1. Thandi uKaMazibuko Majozi Avatar
    Thandi uKaMazibuko Majozi

    Thank you for the updates

  2. Ntombikhona Ndlovu Avatar
    Ntombikhona Ndlovu

    Amazing news. Thank you for the update🙏

  3. Nkanyiso Avatar

    Thank u for powerful update, abantu abaneliseki , Maspala eholela kangaka still basafuna ukuntshontsha, ake sifunde ukwaneliseka

Leave a Reply

Your email address will not be published. Required fields are marked *